Këngëtarja shqiptare Era Istrefi po na bind çdo ditë e më shumë se po korr një sukses të vërtetë jashtë kufijve.
Së fundi, është konfirmuar lajmi se këngëtarja do të këndojë himin e Kampionatit Botëror të Futbollit.
Në një fotografi që ka postuar në profilin e saj në Instagram, Era shfaqet përkrah futbollistit të njohur, Ronaldinho.
“E lumtur që takova @ronaldinho sonte”, ka shkruar Era mbi fotografinë, të cilën e publikoi për ndjekësit.
Bukuroshja shqiptare po jep çdo ditë shenja se do të bëhet pjesë Kampionatit botëror. Dje këngëtarja postoi një “booomerang” në Instastory me një top futbolli si për të konfirmuar lajmin.
Ajo bashkë me Nicky Jam dhe Will Smith, thuhet se po përgatisin bashkëpunimin i cili shumë shpejt do të bëhet kolona zanore e verës në të gjithë botën.
Kënga pritet të dalë nga data 25 maj dhe xhirimet e klipit do bëhen menjëherë më pas.
