“Mirëmbrëma Prive!” Kështu e ka nisur intervistën e saj këngëtarja serbe Jelena Karleusa, për emisionin kosovar “Prive”. Pas deklaratave të saj se të gjithë shqiptarët janë kriminelë dhe sulmeve personale ndaj këngëtares Rita Ora, Jelena duket se ka ndryshuar mendim.
Gjatë intervistës, ajo flet me superlativa për të gjitha këngëtaret shqiptare, që kanë kapërcyer kufijtë me muzikën e tyre.
“Bebe Rexha është e preferuara ime. Edhe Dua Lipa. E keni edhe atë të tretën që është fantastike, Rita Ora. Kjo është një lloj dominimi shqiptar në skenën e muzikës europiane. Hallall ju qoftë. Si në dukje ashtu edhe në këndim janë fantastike”, u shpreh Karleusa.
