Debatet e forta me fyerje në emisionet televizive shqiptare duket se janë kthyer në diçka të zakonshme kohët e fundit. Të gjithë mund të thonë atë që duan pa u vetëcensuruar, pasi në anën tjetër të kamerës ndodhen qindra njerëz që i shikojnë.
Një tjetër situatë e pakëndshme ndodhi mbrëmjen e së enjtes në emisionin “Opinion”, ku tema e debatit ishte “Çështja Xhafaj, shfaqet dëshmitari”.
Situata degradoi kur nisi të flitej për pasuritë e politikanëve dhe ish-ministri i Drejtësisës, Gazmend Bardhi akuzoi Mustafa Nanon se zotëron një vilë në Gjirin e Lalëzit.
“Vilën time? Vilën time? Vilën e sat ëme”, ia ktheu Nano.
“Jo po të sat ëme”, i tha Bardhi.
“Ku e gjete vilën time ti? Unë kam një apartament në Lalëz dhe shumë mirë që je informuar”, u shpreh Mustafa Nano.
Por situata nuk përfundoi vetëm me kaq, pasi gjatë emisionit u përdorën edhe shprehje si “idiot”, “kërriç” dhe “zuzar”, me të cilat gazetari iu drejtua ish-ministrit të drejtësisë dhe Nano ish-kryeministrit Berisha.
