Të gjithë personat, të cilët kishin aplikuar për Lotarinë Amerikane që prej orës 18:00 të datës 15 maj 2018 kanë mundësinë të kontrollojnë online nëse janë përzgjedhur apo jo duke vendosur kodin e konfirmimit të aplikimit, mbiemrin dhe vitin e lindjes.
Për të gjithë ata që janë përzgjedhur nga ky proces, Ambasada Amerikane në Tiranë ka bërë një njoftim të rëndësishëm mëngjesin e sotëm.
“Urime të përzgjedhurve të programit të lotarisë DV! Ju lutemi, sigurohuni që të ndiqni të gjitha udhëzimet tona përgjatë procesit të aplikimit. Hapi juaj në vazhdim është plotësimi i formularit DS-260 online tek ? https://ceac.state.gov/iv/
Unë jam këtu për t’iu përgjigjur të gjitha pyetjeve tuaja mbi aplikimin për DV! #PyetAnnën”, shkruhet në njoftimin e bërë nga Ambasada Amerikane.
