Nata e “Oscar”-it u mbajt dje, duke shuar më në fund kureshtjen e të gjithëve për fituesit. 24 çmimet nga “Filmi më i mirë” tek “Skenari më i mirë” dhe “Aktori më i mirë” u ndanë mbrëmjen eventit më të rëndësishëm të filmit.
Skenari më i mirë i përshtatur
“The Big Short”, filmi me karakter ekonomik që tregon historinë e krizës financiare të viteve 2000.
Skenari më i mirë origjinal
“Spotlight”, filmi gazetaresk që tregon historinë e vërtetë të abuzimeve që u bënë me fëmijët nga ana e priftërinjve të kishës së Bostonit.
Aktorja më e mirë në rol jo-protagonist
Alicia Vikander, relativisht e re, por që shkëlqeu në rolin e saj në filmin “The Dannish Girl”.
Kostumografia më e mirë
Jenny Beavan, e nominuar 10 herë për këtë kategori dhe fitoi këtë vit për kostumet e realizuara në filmin fenomen me 10 kandidime, “Mad Max: Fury road”.
Produksioni më i mirë
Colin Gibson për punën e bërë në filmin “Mad Max: Fury Road”.
Artisti më i mirë i make-up-it
Lesley Vanderwalt, Elka Wardega dhe Damian Martin për filmin “Mad Max: Fury Road”.
Kinematografia më e mirë
Emmanuel Lubezki për filmin “The Revenant” i cili mori 12 nominime. Lubezki fiton pas tre kandidimeve rresht që nga viti 2013.
Editimi më i mirë
Sërish “Mad Max: Fury Road”. Çmimi u rrëmbye nga Margaret Sixel e cila është dhe bashkëshortja e regjisorit George Miller.
Editimi më i mirë muzikor
Mark Mangini dhe David White, specialistët e tingullit në “Mad Max: Fury road”.
Miksimi më i mirë muzikor
Chris Jenkins, Gregg Rudloff dhe Ben Osmo, për filmin “Mad Max: Fury road”.
Efektet më të mira vizuale
Çmimin e marrin Andrew Whitehurst, Paul Norris, Mark Ardington dhe Sara Bennett për magjinë që krijuan në filmin fantastiko-shkencor “Ex Machina”.
Filmi i animuar me metrazh të shkurtër më i mirë
“Bear story”, i cili tregon historinë e trishtuar të një ariu që ka humbur familjen e tij. Por filmi nuk është thjesht vizatimor pasi i gjithë rrëfimi simbolizon periudhën e vështirë të popullit kilian gjatë regjimit totalitar të Pinoçetit.
Filmi më i mirë i animuar
“Inside Out”, një realizim për të gjitha moshat pasi tregon forcën e mendjes dhe zemrës së pastër të një fëmije.
Aktori më i mirë në rol jo protagonist
Mark Rylance për rolin e tij në filmin bazuar në histori të vërtetë “Bridge of spies”. Mark fitoi kundrejt Sylvester Stallone.
Dokumentari më i mirë me metrazh të shkurtër
“A Girl in the River: The price of forgiveness”, dokumentar i cili tregon sesi mbi 1000 femra çdo vit bëhen pjesë e vrasjeve për shkak të nderit në zonat rurale të Pakistanit.
Dokumentari më i mirë
“Amy”, jeta dhe karriera e këngëtares Amy Winehouse. Realizimi përloti të gjithë fansat pasi në të shfaqej një anë tjetër e saj, që askush nuk e kishte njohur.
Filmi më i mirë me metrazh të shkurtër
“Stutterer” një film që në pak minuta tregon izolimin e një njeriu nga bota e jashtme. Ai e ndërton botën e tij mbi marrëdhënien virtuale që ka krijuar.
Kënga origjinale më e mirë
“Writing’s on the wall”, një krijim i Sam Smith dhe Jimmy Napes për filmin aksion “Spectre”.
Kompozimi muzikor më i mirë
Çmimin e mori Ennio Morricone për krijimin e tij në filmin “The hateful eight”. Ennio dallohet për bashkëpunimet e shumta që ka patur me regjisorin Quentin Tarantino.
Regjisori më i mirë
Alejandro Gonzalez Inarritu për filmin “The Revenant”. Ky është viti i dytë rresht që Inarritu fiton këtë trofe.
Filmi më i mirë i huaj
“Son of Saul”. Tematika hebreje ka prekur gjithmonë jurinë e çmimeve Oscar dhe këtë gjë bëri dhe ky film i cili trajton vuajtjet dhe sakrificat e tyre.
Aktorja më e mirë protagoniste
Brie Larson, aktorja protagoniste në filmin dramatik “Room”. E gjithë historia vërtitet rreth përpjekjeve që ajo bën për të dalë nga dhoma ku e kanë mbyllur së bashku me djalin e saj 5-vjeçar.
Aktori më i mirë protagonist
Leonardo Di Caprio, arrin të fitojë pas 4 nominimeve. Kjo është një ngjarje historike jo vetëm për aktorin por për të gjithë mbështetësit e tij.
Filmi më i mirë
“Spotlight”, me regjizor Tom Mçarthy dhe Mark Ruffalo, Michael Keaton dhe Rachel McAdams në role kryesore. Filmi bazohet në historinë e vërtetë të një grupi gazetarësh të cilët zbuluan skandalin e abuzimeve seksuale mbi fëmijët nga ana e kishës së Bostonit.
Burimi: Sky News
