Dy shqiptare janë vënë në pranga nga autoritetet greke pasi akuzohen se kanë mbytur një fëmijë të sapolindur.
19-vjeçarja shqiptare dhe nëna e saj, 54 vjeçare, kishin flakur foshnjën e vajzës së re, në koshat e mbeturinave në Petropulis në verilindje të Athinës.
Vajza e kishte mbajtur të fshehur shtatzëninë, pas një një marrëdhënie me një djalë me të cilin ishte ndarë.
As nëna e saj nuk kishte kuptuar herët shtatzëninë e vajzës. Ditën që lindi, adoleshentja nuk ka shkuar në spital por ka lindur në shtëpi me ndihmën e të ëmës.
Në vend që ta merrte në krahë, adoleshentja ka mbytur të voglin duke i mbyllur gojën që të mos qante dhe e ka mbytur me duar, shkruajnë mediat greke. Më pas foshnja u hodh në një qese të zezë dhe u hodh në koshin e plehrave.
Trupi i pajetë i të voglit u gjet në 26 shkurt, një ditë më pas dhe vetëm dje u gjet se i kujt ishte falë analizës së ADN-së.
