Aktori i famshëm, David Labrava konfirmoi nëpërmjet një postimi në Instagram lajmin se djali i tij, Tycho Spelis Chiusano, ishte vetvrarë.
Aktori 55- vjeçar, shkruante: “Asnjëherë nuk e mendoja se do të postoja këtë. Ky është djali im Tycho. Ai vrau veten disa ditë më parë në moshën 16- vjeçare. Ai vuante nga një depresion që ne nuk mundëm ta kuptonim sepse ai dukej një fëmijë i lumtur. Komunikoni me të dashurit tuaj. Mbajini afër… Unë jam zemërthyer”.
Davidi shpërndau disa foto me djalin e tij, kur ai ishte një fëmijë më i vogël.
Aktori i njohur për rolin e tij në “Happy in Sons of Anarchy” nga viti 2008 deri në 2014, gjithashtu postoi linkun e faqes së Fondit” Go Fund”, i cili u krijua për të mbledhur para për depresionin dhe çrregullimin bipolar.
Faqja zyrtare e organizatës shkruante për Tycho: ‘Më 5 maj 2018 Tycho Spelis Chiusano vendosi t’i japë fund jetës së tij. Ai ishte 16 vjeç. Vuante nga depresioni për vite me rradhë dhe nuk dinte të kërkonte ndihmë. Një shpirt i mahnitshëm dhe i bukur, Tyço ishte jashtëzakonisht inteligjent, besnik dhe një mik i ndjeshëm. Ai ishte plot me jetë, ishte gjithmonë duke qeshur dhe kishte aftësi t’i bënte të tjerët për të qeshur. Tychoo e donte familjen dhe miqtë e tij. Kështu do ta kujtojmë përgjithmonë”!
Faqja e ‘The Go Fund Me” gjithashtu ndau disa postime në Facebook nga miqtë dhe familjarët që shprehnin hidhërimin për ndarjen e nga jeta të Tycho.
Fondi ka mbledhur tashmë mbi 9,000 dollarë për trajtimin e depresionit.
