Romanca mes tyre filloi që në moshë të vogël, por pati krizat e saj dhe nuk mbijetoi dot pavarësisht se fansat ishin të “çmenduar” për ta.
Selena Gomez dhe Justin Bieber i dhanë fund marrëdhënies së tyre përfundimisht në muajin Mars, pavarësisht se dukeshin shumë të lumtur me njëri-tjetrin.
Por një burim pranë Selenës ka treguar për Us Weekly se këngëtarja 25- vjeçare i dha fund marrëdhënies me Justin sepse familja dhe miqtë e saj nuk ishin dakort për këtë lidhje.
“Selena nisi të reflektojë se cilat gjëra ishin më të rëndësishme për të: aprovimi i miqve dhe familjes apo lidhja me Justin, duke mos e pasur përkrahjen e askujt?”- ka thënë burimi për revistën prestigjoze.
“Pasi mendoi këtë, ajo u ndje keq dhe mori vendimin t’i japë fund romancës me këngëtarin, për të hapur një kapitull të ri në jetën e saj”- ka shtuar më tej burimi.
