Një ngjarje tronditëse ka ndodhur mesditën e sotme në një shkollë në qytetin e Vlorës. Një vajzë 18-vjeçare, me inicialet G.K, ka humbur jetën rrugës për në spital.
Sipas informacioneve të deri më tanishme, mësohet se 18-vjeçarja ishte ndjerë keq gjatë procesit mësimor dhe ka humbur ndjenjat në klasë. Ajo është nisur menjëherë për në urgjencën e Vlorës, por gjatë rrugës ka ndërruar jetë.
Ngjarja e rëndë ndodhi në gjimnazin “Jani Minga” në Vlorë dhe dyshimet e para flasin për një vdekje për shkaqe natyrale, pasi e reja vuante nga epilepsia.
Mediat lokale të qytetit të Vlorës raportojnë se vajza ishte jetime dhe jetonte vetëm me gjyshen.
Ndërkohë që po priten rezultatet e autopsisë, policia ka nisur hetimet, por deri më tani nuk ka publikuar asnjë informacion zyrtar.
Burrimi: Panorama
