Agnesa Hadërgjonaj është vajza e madhe e këngëtares Albërie Hadërgjonaj. Ajo nuk është shumë e njohur për publikun shqiptar ndryshe nga Anxhelina vajza tjetër.
Agnesa është e vetmja në familjen Hadërgjonaj që nuk merret me muzikë dhe kjo është arsyeja pse ka qëndruar gjithmonë larg mediave. Megjithatë e bija e këngëtares së njohur ishte e ftuar në emisionin “Një kat më lart” nga Ermal Peçi dhe ndër të tjera foli edhe për marrëdhënien me të atin.
Dihet që Albëria është ndarë nga ish- bashkëshorti kur vajzat ishin shumë të vogla dhe nuk ka shprehur asnjëherë diçka në lidhje me marrëdhënien e saj me të.
Por Agnesa zbuloi se ajo ka marrëdhënie shumë të mirë me të atin dhe e takon thuajse çdo ditë, pasi ndryshe nga e ëma dhe e motra ajo jeton prej disa kohësh në Tiranë.
“Ne kemi qënë të vogla, por e kuptonim. Marrëdhëniet me babin, edhe ne , edhe mami, i kemi shumë të mira. E takoj gati përditë, ishte një gjë e shëndetshme për të gjithë” – u shpreh Agnesa.
