Kivanç Tatlitug, sapo ka nisur xhirimet për serialin më të ri turk “Organize Isler” në krah të aktores Bensu Soral. Por xhirimet janë ndërprerë, pasi aktori turk është në telashe me drejtësinë. “CNN Turk” raporton se aktori i telenovelës “Xhesuri dhe e Bukura” akuzohet për evazion fiskal. Dyshohet se Kivanç ka fshehur detyrimet tatimore ndaj shtetit.
“Dëshmova përpara prokurorëve dhe i tregova se çfarë ka ndodhur në të vërtetë me raportet tona financiare.po e ritheksoj edhe për gazetarët se ka patur një problem teknik. Jam përpjekur t’i shpjegoj së bashku me avokatin tim gjendjen reale. Unë jam i pafajshëm dhe për ta vëttetuar këtë dorëzova edhe dokumentet e nevojshme”, tha ai në dalje të gjykatës në Stamboll.
“CNN turk” shkruan se nëse aktori shpallet fajtor, ai rrezikon një gjobë të majme deri në disa vite burg sipas ligjeve turke.
