Xhensila Myrtezaj dhe Besart Kallaku
Këngëtarja Xhensila Myrtezaj është në pritje të ëmbël. Xhensila dhe Besi do të bëhen për herë të parë prindër të një vajze që pritet të vijë në jetë pas katër muajsh. Ata zgjodhën që muajt e parë të shtatzënisë ti shijojnë larg syrit të njerëzve dhe medias.
Qëndresa Bajrami dhe Labinot Gashi
Çifti kurorëzoi dashurinë e tyre në një dasmë madhështore në muajin tetor. Por mesa duket, Qëndresa dhe Labinoti i shpejtuan punët pasi Qëndresa ishte shtatzënë. Ishte Vesa Luma, e cila bëri të ditur lajmin duke uruar çiftin. Qëndresa pritet të sjellë në jetë fëmijën e tyre të parë në verën e vitit 2018.
Amina Shena
Marilyn Monroe shqiptare, Amina Shena është në pritje të fëmijës së parë me Andoisin. Amina, ndodhet në muajin e gjashtë të shtatzënisë dhe është në pritje të një djali.
Andonia Dobi
Të gjithë e mbajmë mend Andonia Dobin në rolin e “Sofisë” në programin “Zonë e Lirë” në televizionin “Klan”. Por vetëm pak kohë më pas, Andonia vendosi të tërhiqet nga emisioni për t’iu përkushtuar të fejuarit të saj dhe familjes. Në profilin e saj në “Instagram”, 21-vjeçarja na suprizoi të gjithë me lajmin se prej disa muajsh ndodhej në pritje të ëmbël. Çifti pritet të lidhë kurorë përpara ardhjes në jetë të fëmijës së tyre të parë.
Eva Longoria dhe José Bastón
Eva Longoria dhe Jose Baston kurorëzuan dashurinë e tyre në një dasmë përallore në maj të vitit 2016 në Meksikë. Një vit më vonë, në muajin dhjetor u bë i ditur lajmi se çifti ishte në pritje të fëmijës së tyre të parë, një djalë.
Miranda Kerr dhe Evan Spiegel
Modelja Miranda Kerr dha suprizën e madhe në tapetin e kuq të “Golden Globes” në vitin 2018, teksa u shfaq me barkun e rrumbullakosur. Ky ose kjo, është fëmija i parë i çiftit, por ëngjëlli i “Victoria Secret” ka edhe një djalë 6 vjeç me ish-bashkëshortin e saj Orlando Bloom.
Chrissy Teigen dhe John Legend
Ishte vajza e tyre e vogël, e cila dha lajmin se mami kishte një beb tek barku. Chrissy dhe John janë në pritje të një djali.
Candice Swanepoel dhe Hermann Nicoli
Modelja e “Victoria Secret” do të mirëpresë fëmijën e saj të dytë. Ajo e bëri të ditur shtatzaninë e saj natën e krishtlindjeve. Candice dhe Hermann, 14 muaj më parë u bënë prindër të djalit të tyre të parë Anaca.
