I dashuri i Viola Spiros, Valentin Selaj, u lirua pas 5 muajsh heqje lirie nga qelitë e paraburgimit në Hollandë.
Ai dyshohej për trafikim ndërkombëtar droge, por, mesa duket moderatoren nuk e ka penguar kjo gjë për të vazhduar lidhjen me Selajn. Çifti u fotografuan pak ditë më parë nga Revista ”Who”, në një lokal në Tiranë. Selaj njihej për jetën luksoze, ndërsa pas arrestimit atij iu sekuestruan miliona euro dhe qindra kilogramë kokainë dhe droga të tjera.
Investigimi mbi këtë bandë kishte filluar që në maj të vitit 2015 nga Prokuroria e Firenzes dhe në momentin e vënies në pranga, bandës iu sekuestruan 4 milionë euro, raporton ”Panorama Plus”. Por operacioni vazhdoi me sekuestrimin në Lezhë të pasurisë në para, si dhe disa bizneseve, hoteleve, restoranteve e makinave luksoze, që i përkisnin një grupi ku bënte pjesë edhe Valentin Selaj.
Grupi në fjalë ishte i dyshuar për trak ndërkombëtar të lëndëve narkotike dhe shfrytëzim prostitucioni, ndërsa operacioni “Forca e Ligjit”, i sekuestroi pak kohë pas arrestimit dhe një pasuri prej 1.4 milionë eurosh. Mësohet se ndaj grupit u vendos sekuestro preventive për 15 pasuri të paluajtshme: 7 ambiente biznesi me sipërfaqe rreth 1100 m2 si Hotel, Bar, Restorant; 4 ambiente banimi, me sipërfaqe rreth 1000 m2 (apartamente, vila); 4 parcela tokë arë me sipërfaqe totale rreth 22900 m2 dhe 9 automjete luksoze. Lind pyetja, a do të vazhdojnë të bëjnë të njëjtën jetë luksi si më parë çifti i ribashkuar?
Burimi: Panorama Plus
