Më shumë se për pjesëmarrjen e saj në Eurosnog, shqiptarët e kujtojnë Eneda Tarifën për situatën humoristike që krijoi në një intervistë të realizuar në gjuhën angleze. Në video, Eneda shfaqet teksa has vështirësi me anglishten dhe i kërkon ndihmë Dhuratës.
Drejtuesja e delegacionit shqiptar në Eurosong Dhurata Bejzade ka folur për herë të parë në një intervistë për emisionin “Jo Vetëm Modë” për prapaskenat e videos së famshme.
“Eneda komunikonte shumë bukur edhe anglisht, të gjithë mund të gabojnë në ndonjë moment edhe kur flasin në shqip, nuk ishte asgjë. Këtu ka personalitete të politikës që nuk dinë të fasin as shqip e jo më anglisht. Detyra e delegacionit është të shoqërojë këngëtaren në të gjitha intervistat. Unë gjendem në atë sallë dhe sigurisht ndihmon nëse dikush ka nevojë. Eneda ishte shumë e lodhur pas intervistave dhe ajo që më kërkoi mua nuk ishte as ndihmë”, tha Dhurata.
Edhe pse e vlerësuar nga kritika për performancën vokale, këngëtarja nuk ia doli të kualifikohej në finalen e Stokholmit.
