Kastro Zizo, këngëtari i cilësuar shpesh si “problematik”, ditët e fundit është përfolur në media për marrëdhënien me ish- partneren e tij, Erleta Hoti me të cilën ka një vajzë të quajtur Nia.
Erleta ka qënë ajo që ka publikuar para disa ditësh një foto screenshot nga biseda me Kastron ku ai e pyeste se si është vajza dhe ajo refuzonte të përgjigjej duke i thënë që nuk ishte postiere. Nëpërmjet këtij gjesti, Hoti ka lënë të kuptohet se Kastro nuk kujdeset mjaftueshëm për të bijën.
Por i pyetur në një intervistë për “Panorama Plus” se pse Erleta mban këtë qëndrim ndaj tij tij ai u përgjigj :” Ajo të bëjë ç’të dojë! Zoti e ruajtë”!
Mesa duket Kastro është mjaft i prekur nga kjo situatë dhe nuk mund të komentojë më shumë, duke qenë se situata është mjaft delikate për shkak se ata kanë një vajzë ende të vogël.
Ndërkohë këngëtari ka dhe një djalë më të rritur,Dankan të cilin e takon më shpesh.
