Melania Trump ka qenë në qendër të vëmendjes mediatike kohët e fundit për shkak të veprimeve të saj që tregojnë se duket e palumtur përkrahë të shoqit. Dje Melania festoi ditëlindjen e saj të 48-të dhe Donald Trump i befasoi të gjithë me dhuratën modeste që i kishte bërë bashkëshortes.
Trump në një intervistë telefonike për “Fox&Friends”, u pyet se çfarë dhurate i kishte blerë të shoqes për ditëlindje.
“Më mirë mos të përgjigjem, sepse mund të futem në telashe. Ndoshta nuk kam bërë shumë. I kam shkruar një letër të bukur. Unë jam shumë i zënë dhe nuk kam kohë të dal për të blerë dhurata. Por i dhashë një letër të bukur dhe disa lule të bukura dhe ajo bëri një punë të mrekullueshme me Francën”, -u shpreh Trump.
Kjo përgjigje e presidentit të Amerikës i befasoi të gjithë, madje mediat botërore kanë nisur të aludojnë se me shumë mundësi Trump-it i kishte dalë fare nga mendja ditëlindja e bashkëshortes dhe kjo ishte një përgjigje për të dalë nga situata.
