Më në fund, Ronela Hajati e pranon se është e dashuruar, edhe përse nuk pranoi të japë një emër konkret. Por mos të lodhet, pasi të gjithë ne e dimë që personi që i ka rrëmbyer zemrën Ronelës, është këngëtari Young Zerka.
“Dashuria nuk ka kufi. Unë jam mirë dhe të jesh mirë për mua ka shumë rëndësi. Nuk kam 100 halle dhe jam e fokusuar vetëm në punë. Kur gjerat janë në rregull do të thotë se edhe ajo gjëja tjetër është në rregull” – u shpreh Ronela.
Këngëtarja e hitit “Diamanta” thekson se nuk ka dëshirë të jetë pjesë e lajmeve për historinë e saj të dashurisë, por për projektet muzikore që ajo sjell për publikun.
“Kur të bëj publike lidhjen, do ta marrin vesh të gjithë sepse do të bëj një dasmë të madhe. Jam shumë pro dasmës, mundësisht do të nxjerr një tellall ta bëj publike. Dasmë me shumë njerëz, e shumë muzikë” – tha Ronela.
