Një fermere patatesh në Spanjë është bërë virale në internet pasi ka një ngjashmëri të paparë me Presidentin amerikan, Donald Trump.
Dolores Leis Antelo, rreth 60 vjeç thuhet se ka një ngjashmëri të çuditshme me Trump. Ajo ka marrë pseudonimin “Donald Trump nga Costa da Morte”, raportojnë mediat spanjolle.
Dolores ka pozuar në një fushë teksa mban një shatë në dorë, ndërkohë që disa fansa e kanë krahasuar foton e saj me atë të Trump duke luajtur golf në një prej vendpushimeve të tij.
“Fotoja ime është shpërndarë shumë, por mendoj prej ngjyrës sime të flokëve”, tha ajo për mediat spanjolle.
Por ndryshe nga Trump që ka 51 milionë ndjekës të Twitter, Dolores nuk ka as telefon.
