Dasma është ndër eventet më të rëndësishme në jetën e një çifti. Por sytë janë gjithmonë tek ajo, nusja. Çfarë fustani ka zgjedhur, si i ka rregulluar flokët, a ka humbur disa kg? Le të mbetemi te kjo e fundit, kilogramët! Nuset kanë rrëfyer se ndihen të diskriminuara nga familjarët për peshën e tyre.
Ja rrëfimet e tyre për revistën “Dailymail”:
“Mikesha ime me e mirë më tha se fustani im i nusërisë më bën të dukem si grua shtatzënë. Në fakt unë nuk bëj dot fëmijë ”
“Mamaja ime nuk pranoi të vinte në provën e fustanit tim të nusërisë. ‘Përse të lodhem! Je shumë e shëndoshë gjithsesi’ – mu pergjigj.”
“Në ditën e dasmës, vjehrra ime erdhi e më pëshpëriti në vesh se fustani është i shpifur e do jem një bashkëshorte e tmerrshme.”
“Një i afërm i imi më tha ditën e dasmës: ‘Nuk ke përse martohesh sepse ke ngelur shtatzënë’. Në fakt, unë nuk jam shtatzënë, thjesht kam ngrënë tortën e dasmës sime”.
“Sapo provova fustanin e parë të nusërisë, gjyshja më tha: ‘Sa keq që nuk re nga pesha disa kg. Do kishe dalë nuse e bukur”.
“Kur ndava mendjen se ky do të ishte fustani im i dasmës, shitësja e dyqanit më tha: ‘Sa kg ke ndërmend të humbasësh?’ Katilja!”
“Mamaja ime i ka edituar në photoshop të gjitha fotot e dasmës sime. Ajo hoqi të gjitha tatuazhet që une e bashkëshorti im kemi, e më pas i shpërndau fotot në Facebook. Nuk di as si të ndihem”.
“Sot shkova të kërkoj për fustanin tim të ëndrrave për ditën më të rëndësishme të jetës sime, dasmën. U dashurova menjëherë me një fustan princeshash. Shitësja e dyqanit më sugjeroi të shihja diçka tjetër pasi tatuazhet e mia, prishnin magjinë e fustanit. Kështu që e bleva”.
