Lajmi se Turjan Hyska do të braktisë përfundimisht “Vizion Plus” për postin e drejtorit ekzekutiv në televizionin “Klan Plus” u qarkullua me shpejtësi në të gjitha mediat. Menjëherë Turi e mohoi kategorikisht lajmin, por më pas u kap “mat” në ambjentet e televizionit “Klan” në shoqërinë e Aleksandër Frangaj.
Sakaq, u aludua edhe se Turi nuk do shkojë i vetëm në televizionin “Klan” por do të marrë me vete edhe trupën e aktorëve të “Apartamentit 2XL”. Burime për anabel.al kanë konfirmuar largimin e Turjan Hyskës nga “Vizion Plus” për në televizionin “Klan” dhe theksojnë se moderatori do të largohet i vetëm.
Në sezonin e ri në muajin shtator, ai pritet të nis një emision me lojëra.
Më herët në Vizion Plus, ai solli përpara ekranit disa game show ku më të njohurat janë Përrallë me Mbret, Përrallë me Pirat dhe Mos u Nxeh.
