Nëse ka dashuri për një ushqim ajo është domatja. Aktori i humorit, Bes Kallaku, ka treguar se është ushqimi pa të cilin nuk shtyn asnjë vakt.
Ndërsa pak ditë më parë ai shpjegoi arsyen pse i konsumon kaq shumë domatet: “Mami im më tha para ca kohësh që kur ishte shtatzënë me mua, hante vetëm domate. I kam pëlqyer domatet ende pa dalë në dritë të diellit”.
Dhe për të shprehur dashurinë e tij për bashkëshorten Xhensila Myrtezaj, ai zgjodhi pikërisht një domate në formë zemre.
Në foton e postuar në “Instagram”, Besi shkroi: “Të dua Xhensila Myrtezaj”, kaq mjaftoi për të argëtuar ndjekësit e tij.
Që veç faktit që e lavdëruan për mënyrën e veçantë të shprehurit të ndjenjave, kishin dyshimet e tyre nëse domatja ishte bio apo e bërë me shiringë.
Burimi: Instagram
