Bëni kujdes! Çdo shtet dhe kulturë ka rregullat e veta. Ndaj mos u fusni në telashe nëse udhëtoni në këto shtete.
Mos blini alkool pas drekës në Tailandë
Tailanda njihet si shteti me festat më përrallore në dritën e hënës e buzë detit. Gjithsesi sipas “Insider”, nga ora 11 e mëngjesit deri në orën 2 si dhe pas orës pesë të pasdites ndalohet konsumimi i alkoolit. Ndaj ora katër e pasdites është momenti i fundit ku iu lejoheni të pini një koktej në plazh.
Mos kërceni në Japoni nëse është errësuar
Të kërcesh pas mesnate në Japoni është e ndaluar me ligj, pasi shteti po përpiqet të kontrollojë industrinë e seksit.
Mos pini duhan në publik në Singapore
Singapore ka politika shumë të rrepta për të gjithë përdoruesit e duhanit. Nëse dikush po pi cigare në ambjente publike, gjoba kap shifrën e $10,000.
Mos i mbani sytë në telefon në Honolulu
Në përpjekje për të ndërgjegjësuar këmbësorët, të shkruash në telefon teksa po ecën është e ndaluar me ligj në Honolulu. E nëse e thyen këtë rregull, gjoba për ty është $100.
Kujdes me gjuhën që përdorni në Australi
Australia vendos gjobën prej $140 për këdo që e zgjidh gjuhën në ambjentet publike.
Mos dil me rroba banje në qytet
Spanja ndalon të gjithë shtetasin e saj si dhe turistët të veshin rroba banje në qytet. Në fakt, kjo është një përpjekje për të ndaluar nuditetin në qytet. Gjoba për ju që “vdisni” të thyeni ligjet është plot $200.
Hiqni dorë nga takat nëse jeni turistë në Greqi
Takat janë të ndaluara në shumë monumente antike të Greqisë. Ligji u votua në vitin 2009. “Njerëzit duhet ta kuptojnë, se nuk mund të vijnë me taka në një vend të tillë” është shprehur Eleni Korka, drejtuese pranë monumenteve historike në Greqi.
