Mbarë opinioni publik ka mbetur i tronditur ditëne sotme pasi aktori i njohur nga Kosova, Art Kurti, u gjet i vdekur në orët e para të mëngjesit në aksin rrugor Gjakovë-Gorden. Sipas raportimeve të policisë dyshohet se bëhet fjalë për një vetëvrasje, pasi 23-vjeçarit i është gjetur një plumb në kokë.
Aktori i serialit “O sa mirë” thuhet se u gjet i vdekur mbi varrin babait të tij i cili kishte ndërruar jetë disa vite më parë.
Nga një kontakt i gazetës “Express” me komandanti e Stacionit Policor në Gjakovë, Kristë Gjoka, dyshohet se aktori Art Kurti është vetëvrarë.
“Viktima është dërguar pa shenja jete në Spitalin ‘Isa Grezda’ në Gjakovë. Dyshimet e para janë për vetëvrasje”, tha Gjoka.
Gjithashtu edhe nga një deklaratë e bërë nga zëdhënësja e rajonit të policisë në Gjakovë, Lirije Podrimja, u tha se rasti po cilësohet si vetëvrasje.
