Fansat e Kylie Jenner u mërzitën pak ditë më parë, kur ajo la vajzën Stormi në shtëpi, për t’u kënaqur në festivalin Coachella.
Por një javë pasi festimeve atje, Kylie Jenner është shfaqur duke u kujdesur për vogëlushen e saj, në oborrin e shtëpisë në Calabasas.
19-vjeçarja ndau disa momente të veçanta me vajzën në Instastory, ku shfaqeshin të dyja të përqafuara.
Kylie, e cila lindi përafërsisht tre muaj më parë, dukej tërësisht e dashuruar me vogëlushen që i flinte mbi gjoks.
“Flokët tona janë lëmsh por …”, shkruante Jenner e cila më pas bëri një dedikim mjaft prekës: “Ajo ka duart e vogla më të bukura”.
Foshnja e saj kishte veshur një bluzë të adhurueshme me figura qershie. Ndërsa Kylie, me flokët e prishur dhe një bluzë sportive të bardhë, shfaqej pa makijazh në fytyrë teksa ekspozonte qukat. Pati dhe një moment kur Stormi qeshi, sikur ta dinte se mami po e filmonte.
Kjo ishte një ndër ato rastet e rralla ku Kylie kishte filmuar veten aq afër dhe e pa kuruar. Shpresojmë që fansat ta kenë falur që e “braktisi” vogëlushen, megjithatë, ashtu siç e ka thënë dhe Kylie, ajo nuk është një “nënë e zakonshme”, ndaj mos prisni të rrijë 24 orë pranë vajzës.
