Një tjetër shtatzënë në radhët e personazheve publikë shqiptarë, e cila zbuloi dje se është në muajt e fundit të pritjes së ëmbël. Tashmë kemi një rast të ngjashëm me të fotomodeles shqiptare, Amina Shena, e cila fshehu me “Photoshop” barkun e rrumbullakosur.
Andonia Dobi dha lajmin emocionues mbrëmjen e së shtunës, pasi postoi disa imazhe nga “Baby shower”.
Tema e festës, ngjyra rozë dhe torta tregonin se Andonia do të sjellë në jetë një vajzë.
“Bebit tonë: Nuk jemi takuar ende, por mami dhe babi janë kaq të dashuruar me ty sa nuk mund ta shpjegojmë. Ndjejmë çdo lëvizje, goditje, që na dërgon dhe ditët tona bëhen më të shkëlqyera. Deri më tani nuk e tija që në këtë botë ekzistonte një ndjenjë e tillë. Falënderojmë çdo ditë Zotin që na dha mundësinë të jemi prindër. Mami dhe babi të duan më shumë se veten”, shkroi modelja krah fotos ku shihet me partnerin.
Ajo kishte zgjedhur të vishte një veshje të bardhë, ndërsa ambienti ishte zbukuruar nga tullumbacet dhe zbukurimet rozë.
Burimi: Instagram
