Më në fund ditën e sotme, Ronela Hajati publikoi projektin e saj të shumëpritur muzikor, “Maje men”. Këngëtarja kishte paralajmëruar prej javësh hitin e saj të ri, i cili u publikua mesditën e kësaj të shtune.
Ndërsa paraqitjen e saj unike e kishim vënë re në fotot e publikuara në “Instagram”, nuk ishim përgatitur për një klip me skena që thyejnë kufijtë.
Kënga, e cila i kushtohet dashurisë së ndaluar, është shkruar nga vet Ronela, që është kujdesur edhe për melodinë.
Videoklipi përdor elementët e tribuve dhe në qendër të tij, veç këngëtares është edhe një model shumë tërheqës (si na kishte shpëtuar pa e njohur më parë).
Klipi përfundon me disa skena sensuale mes dyshes, por momenti më kulminant mbetet pjesa e Ronelës nënë.
Në sekuencat e fundit të videos, këngëtarja shfaqet e gjitha e veshur me të bardha dhe një makijazh që i përshtatet paraqitjes, ndërsa mban në duar të mbuluar një foshnjë.
Kjo është një nga detajet më të veçanta dhe të gjithë kemi nisur të aludojmë: Mos këngëtarja po mendon për të kaluar në statusin e nënës?
