Këngëtarja me famë botërore, Taylor Swift është bërë pjesë e një situate sa të frikshme po aq edhe qesharake.
Në orët e para të mëngjesit dikush ka hyrë në apartamentin saj në New York. Një 22-vjeçar ka hyrë përmes një palë shkallëve në shtëpinë e saj dhe ka thyer një nga dritaret me duar.
Sipas raportimeve nga “TMZ” , 22-vjeçari të gjithë këtë skenë e ka bërë në qetësi të plotë, pasi në momentin që policia shkoi në vendngjarje e gjeti në gjumë.
I riu dyshohet se ka hyrë për të vjedhur apartamentin e këngëtares dhe sipas “TMZ”, kjo nuk është hera e parë që ai hyn në shtëpinë e Swift. Kjo është hera e dytë që 22-vjeçari kapet nga autoritet në shtëpinë e këngëtares, pas tentativës së parë që ai bëri në muajin shkurt.
Një ngjarje tmerruese kjo për Taylor Swift, ndërsa fakti që atë e zuri gjumi duke vjedhur e shndërroi këtë në një situatë komike.
Burimi: Daily Mail
