Ditën e djeshme u raportua lajmi tragjik se Avicii, DJ-i i dashur suedez, humbi jetën moshën 28 -vjeçare.
Sipas një deklarate nga përfaqësuesi i tij, DJ-i i njohur, emri i vërtetë i të cilit është Tim Bergling, u gjet i vdekur mëngjesin e djeshëm në Muskat të Omanit, ku ndodhej me pushime.
Zyrtarët thonë se po kryejnë një hetim të plotë, që do të përfshijë një raport autopsie dhe toksikologjie.
Por duket se shumë nga ata që e njihnin mirë, nuk ishin të befasuar me vdekjen e Avicii-t dhe nuk presin që hetimi t’u tregojë ndonjë gjë që nuk e dinë tashmë.
“Fatkeqësisht shumë njerëz në industrinë e muzikës e prisnin këtë tragjedi”, tregon një burim i afërt për “Radar Online”.
Problemet shëndetësore të Bergling dhe beteja me varësinë ndaj alkoolit ishin të njohura për të.
Në vitin 2016, problemet akute me pankreasin, të shkaktuara nga konsumimi i tepruar i alkoolit, bëri që ai të hiqte dorë nga turneu.
Dy vitë më parë, Bergling hoqi apandesidin dhe fshikëzën e tëmthit, për shkak të alkoolit.
“Për mua, ishte diçka që duhej të bëja për shëndetin tim. Skena nuk ishte për mua”, shkroi Bergling përmes një njoftimi në atë kohë.
Duke iu referuar çështjes së suksesit të tij, Bergling deklaroi se ai ishte pafundësisht mirënjohës për mundësitë që i ishin dhënë, por e kuptoi se e gjithë kjo kishte ardhur shumë shpejt për të.
“Suksesi erdhi me një çmim – shumë stres dhe ankth”, shkroi ai.
Në një intervistë të mëvonshme, Bergling deklaroi se ai ishte “traumatizuar” nga përvoja e suksesit ndërkombëtar ndërkohë që ishte ende në adoleshencë, deri në pikën ku ai e gjeti veten të paaftë për të ndjekur koncerte, pasi hoqi dorë nga turneu.
Burimi: The Hollywood Gossip
