Aktorja e njohur, Rachel Weisz po pret një fëmijë me yllin e filmit të agjentit James Bond, 48-vjeçarin Daniel Craig.
48-vjeçarja tha për “New York Times” se të dy janë shumë të lumtur që po vjen ‘një njeri i vogël’.
“Do të shfaqem së shpejti. Danieli dhe unë jemi kaq të lumtur. Do të bëhemi me një fëmijë të vogël. Mezi po presim që ta takojmë atë, djalë apo vajzë. Është e gjitha një mister”, u shpreh ajo duke mos e treguar gjininë pasi as vetë nuk e di.
Ylli i lindur në Londër tashmë ka një djalë 11-vjeçar të quajtur Henry me drejtorin e Hollivudit Darren Aronofsky, me të cilin ajo ka qenë e lidhur nga viti 2001 deri në vitin 2010.
Bukuroshja brune pranoi se ajo dhe Daniel, i cili gjithashtu ka një vajzë 25-vjeçare të quajtur Ella nga martesa e parë me aktoren Fiona Loudon, janë përpjekur ta mbajnë romancën e tyre “private”.
Çifti i famshëm shihet shumë i dashuruar dhe njihet për një marrëdhënie të përsosur martesore të bazuar në dashuri, mirëkuptim dhe respekt.
Ata ishin shokë prej vitesh deri kur në 2011-n, shoqëria e tyre u shndërrua në diçka më tepër.
