Keni kaluar ndonjë ditë që zgjoheni nga gjumi dhe doni të hiqni dorë nga gjithçka? Apo ditë kur ndiheni se jeta është treguar e padrejtë me ju?
Thjesht kujtoni faktin, që disa njerëz kanë kaluar kaq shumë pengesa dhe kanë arritur më shumë sesa mund ta imagjinoni. Dhe një prej tyre është modelja nga Angola, e cila humbi krahun e saj të djathtë në vitin 2014.
Lumenni Bombo pësoi një aksident gjatë një udhëtimi pune, por refuzoi që të ndalonte pasionin e saj për të sfiluar në pasarelë.
Në një foto të saj të postuar pak ditë më parë në “Instagram”, Bombo shkruan:
“Nuk më vjen turp nga ty!”.
Ajo shfaqet duke puthur krahun e saj të prerë, duke treguar se ky incident nuk e bëri atë të paaftë.
Ndërsa vjen si një mesazh motivimi dhe frymëzimi për të gjithë ne.
