Të ftuara sot tek Rudina, dy motrat e njohura Kakeli, Erjona dhe Mikela kanë rrëfyer marrëdhënien e tyre të ngushtë që kanë që fëmijë, pasi janë rritur si binjake.
Mikela është vetëm 2 vite më e madhe se Erjona. Kjo e fundit është një aktore e talentuar, ndërsa motra e madhe, dikur banore e BB, i është përkushtuar sporteve të rrezikshme.
Dy motrat u emocionuan kur Alketa mundësoi një lidhje me bashkëshortin e Erjonës, aktorin Salsano Rrapi. Përmes një video mesazhi ai tha disa fjalë zemre për gjysmën e tij:
“Dua të të kërkoj ndjesë për ndonjë gabim që mund të bëj Erjona. Tani jam futur në kurs pa merak. E kam bërë edhe pazarin. Të dua shumë”, tha Salsano.
Ndërsa për kunatën, Salsano nuk u rezervua aspak:
“Mikela është një dhe e vetme në këtë botë. Rrallëherë takon njerëz të tillë në jetë. Të dua shumë si shoqe dhe si kunatë”,-i ka thënë Salsano-Mikelës.
Erjona u përlot pasi nuk e priste një surprizë të tillë nga bashkëshorti i saj, ndërsa Mikela nuk i fshihte dot emocionet.
