Ai është bërë i njohur për të gjithë me rolin e Kimikatit në spektaklin e humorit “Portokalli”. Me batutat dhe lirshmërinë e tij në skenë Olsi Bylyku i ka bërë të gjithë për vete.
Sot aktori i njohur i humorit feston 20-vjetorin e lindjes dhe urimin më të bukur e ka marrë nga prindërit e tij. I emocionuar nga ky dedikimi i veçantë, Olsi e ka ndarë atë edhe me fansat e tij në Instagram.
“Nuk ka gjë më të bukur për një prind se sa ardhja në jetë e një djali . Vajza është xheneti i shtëpisë, çuni zoti i shtëpisë.
Ti erdhe si madhështia me ndryshimin e madh nga një familje e vogël, ne u bëmë një familje e madhe. U bë vajza me vëlla që vetëm një fjalë dhe sa hap e mbyll sytë gjendet aty e që vetëm me shikimin prej vëllai ta lehtëson e ta madhështon jetën.
Nuk ka pas mëngjese më të bukura kur gjyshit e tu edhe stërgjyshja e fillonin ditën aq të lumtur. Gjyshi më sytë e kaltër që lëvizte nëpër shtypi. ‘O Zot çfarë na ke fal’, stërgjyshja që të prekte me duart që i dridheshin e të afrohej e të dëgjonte aromën e bukur. Gjëja më e bukur ishte kur laheshe çdo mëngjës nga duart e arta të gjyshe, e kujtoj fytyrën e saj që buzëqeshte me lumturinë e shpirtit dhe mërmëriste: ‘O Zot çfarë na ke fal’. Fëmijë dhuratë e Zotit, faleminderit o Zot.
Edhe 100 biri im, ndriçofsh botën me energjinë që ke, u madhështofsh si na madhështon”, shkruhet në urimin emocionues që prindërit i kanë bërë Olsit në këtë përvjetor të tij.
