True Thompson duket si një emër i çuditshëm, që Khloe Kardashian t’ia vendoste vajzës së saj, sidomos duke patur parasysh se i dashuri i saj Tristan Thompson nuk ka qenë i vërtetë me të së fundmi.
Por pasditen e së hënës, nëna e saj Kris Jenner tregoi arsyen e zgjedhjes së këtij emri në “Instagram”.
62-vjeçarja shkroi në mbishkrimin e fotos me tullumbace rozë se, emri True është i përhapur në familjen e saj:
“Jam shumë e lumtur që mirëprita mbesën time të shtrenjtë, True! Fakt argëtues: Emri i gjyshit tim nga ana e babait ishte True Otis Houghton, emri i babait tim ishte Robert True Houghton… kështu që unë jam shumë e emocionuar që Khloe e quajti vajzën e saj True!”.
Nga ana tjetër një burim i “People” ka thënë se, Khloe mezi pret që doktori t’i japë leje për të udhëtuar me avion në shtëpinë e saj.
“Ajo është shumë e mërzitur në lidhje me këtë. Ajo nuk dëshiron të ketë një marrëdhënie me Tristan, por ajo do të sigurohet që vajza e saj do të ketë një marrëdhënie të mirë me të. Tristan po krijon një lidhje me fëmijën”, tha burimi.
Ai shtoi se Khloe nuk po i bën gjërat me ngut, sepse do më të mirën për familjen e saj.
Burimi: Daily Mail
