John Cena dhe Nikki Bella i kanë dhënë fund marrëdhënies së tyre pas 6 vitesh lidhjeje.
Çifti njoftoi ndarjen me një deklaratë të përbashkët të dielën, duke thënë:
“Ndonëse ky vendim ishte i vështirë, ne vazhdojmë të kemi një dashuri dhe respekt të madh për njëri-tjetrin. Ne kërkojmë që ta respektoni privatësinë tonë gjatë kësaj kohe”.
Lajmi i bujshëm vjen pak kohë pasi dyshja kishte planifikuar dasmën në 5 maj.
Që prej lajmit të ndarjes, 40-vjeçari ka përdorur mediat sociale për të treguar ndjenjat e tij. Me një citat të Walt Whitman që të thyen zemrën, Cena shkruan: “Ne ishim bashkë. E harroj pjesën tjetër”.
“A ka njeri që ndihet keq? Shikoni Walt Whitman i cili ka qenë gjithmonë një zë i dobishëm në kohë krize. Një mendimtar i bukur dhe sigurisht po thurte diçka me ide si këto”.
Ndarja vjen një vit pasi të dy njoftuan fejesën e tyre në Wrestlemania 33.
Cena dukej shumë i lumtur dhe i përkushtuar ndaj gruas së tij të ardhshme 34-vjeçare, megjithëse çifti kishte pasur konflikte mbi vendimin e tij për të mos pasur fëmijë.
