Ajo është bërë e njohur nga të gjithë me rolin e “Bukrës” që luan çdo të diel në spektaklin e humorit, “Portokalli”. Aktorja Albana Ferhati, një ndër aktoret më të dashura të “Portokalli”-së, feston sot 36-vjetorin e lindjes.
Miqtë e saj më të ngushtë e kanë surprizuar Bukrën që në orët e para të mëngjesit. E kënaqur nga dhuratat dhe momentet që kaloi me miqtë e saj më të mirë, Albana ka ndarë disa pamje nga festa e organizuar edhe me fansat e saj në Instagram.
“Është ditëlindja ime dhe unë ndihem si fëmijë. Unë jam një Piter Pan dhe nuk dua të rritem asnjëherë. Pikë”, shkruan Albana në një ndër fotot ku shfaqet pranë tortës së ditëlindjes.
Nëpërmjet këtyre postimeve “Bukra” na ka treguar të gjithëve se ajo edhe pse është 36-vjeç, ajo ndihet si 16.
