Princi William mund të ketë zbuluar pa dashje gjininë e fëmijës së tij të tretë. Ai ishte në stadium duke ndjekur ekipin Aston Villa dhe në momentin që lojtari 22-vjeçar Jack Grealish bëri gol, Princ William filloi të brohoriste.
“Do të ngul këmbë që bebin ta quajmë Jack”, mësohet të ketë thënë në këtë kohë.
Mesa duket, në moment e kuptoi se pa dashje i kishte shpëtuar diçka që nuk duhej ta thoshte dhe bëri një sqarim të dytë.
“Ose Jackie”, shtoi Princi si për të larguar vëmendjen nga deklarata që sapo kishte dhënë.
Nga sondazhet e bëra rezulton se emri Jack apo Jackie nuk është në listën e emrave që janë përfolur deri më tani, por kjo deklaratë e Princit William sapo i befasoi të gjithë dhe me shumë mundësi, çifti mbretëror këto ditë do të presë djalin e dytë.
Dukesha pritet të lindë nga dita në ditë pasi spitali ka vënë barriera rreth e rrotull dhe ka pezulluar parkimin.
