“Dancing with the Stars” ka vëtëm pak javë që ka nisur dhe që tani, aktorin Tolgahan Sayışman e ka marrë malli për bashkëshorten shqiptare, Almeda Abazi.
Ish-miss Shqipëria është e angazhuar me spektaklin në Tiranë dhe do të jetë edhe për të paktën 2 muaj këtu.
Kjo është një periudhë relativisht e gjatë kur mendon që partneri i saj do të jetë në Stamboll. Aktori i njohur turk e ka shprehur se e ndjen mungesën e partneres tani që e ka larg, përmes një fotoje në Instastory:
“Më mungon”, shkruan Tolgahan teksa publikon një foto të bukuroshes shqiptare.
Almeda e ka treguar se pavarësisht angazhimeve të shumta është përpjekur të shkëputet ndonjëherë për ta takuar bashkëshortin.
Jo më larg se javën e kaluar, çifti ishin bashkë dhe Almeda i gatoi ushqimin e preferuar bashkëshortit të saj, Tolgahan, një sallatë të shijshme frutash.
