Shtatzënia e Blerina Brakajt u mësua nga “Iconstyle.al” në natën finale të festivalit “Kënga Magjike”, më 9 dhjetor 2017.
“Një bebush do të vijë së shpejti”, tha Blerina për “Iconstyle.al” në atë kohë.
Këngëtarja e njohur vendosi ta tregonte barkun e rrumbullakosur në klipin e saj të ri me këngëtaren Liri Rasha, “Le të tundet vendi”, dhe pak ditë pas kësaj publikoi në Instagram një foto ku shihen dy duar me unazat rreth të martesës. Në këtë mënyrë Blerina na lajmëroi se tashmë ajo e kishte kurorëzuar lidhjen me partnerin e saj në martesë.
Ndërkohë që po shijon muajt e fundit të shtatzënisë Blerina ka realizuar një set fotografik ku shfaqet për herë të parë në krahët e bashkëshortit të saj simpatik. Në fotot e publikuara nga “Story.al” këngëtarja shfaqet e veshur me një bluzë të bardhë ku shkruhet: “Mirësevjen nga mami”.
Nuri i shtatzënisë e ka zbukuruar edhe më shumë këngëtaren simpatike. Me disa kilogramë më tepër dhe me barkun e rrumbullakosur Blerina shfaqet mjaft e lumtur përkrah bashkëshortit.
