Shumë personazhe të famshëm i kanë dhënë fund martesës së tyre kohët e fundit. Mjafton të kujtojmë deklaratën shokuese të dy aktorëve Channing Tatum dhe Jenna Dewan Tatum. Por dashuria ekziston sërish në “Hollywood” dhe Justin Timberlake me Jessica Biel janë këtu për të na e vërtetuar këtë.
Çifti duket se ka vetëm një moto, që i ndihmon ata të jenë gjithnjë të bashkuar. E pyetur për suksesin e martesës së saj, 36-vjeçarja tha për “People”:
“Komunikimi, komunikimi, komunikimi”.
Fatmirësisht, Jessica e shtjelloi më tej sekretin e saj:
“Aftësia për të qenë me të vërtetë të sinqertë për mënyrën se si ndiheni dhe për të treguar se cilat janë nevojat tuaja. Të jeni në gjendje të komunikoni vërtetë me ndershmëri me partnerin tuaj. Kjo ka funksionuar me ne. Nuk dua të flas për marrëdhëniet e të tjerëve, por kjo është ajo që bëjmë ne”.
Epo duhet ta mbajmë “vathë në vesh” këshillën e aktores Biel.
Çifti e bëri zyrtare lidhjen në 2012-n, kur u martua në një ceremoni në Puglia të Italisë. Ata kanë një djalë të quajtur Silas Randall.
Burimi: Perez Hilton
