Kudo në botë po shkruhet për martesën e Princit Harry me aktoren Meghan Markle. Fustanin që do të veshë nusja e ardhshme, si do të zbukurohet vendi ku do të zhvillohet ceremonia apo cilët janë të ftuarit, janë ndër 100 pyetjet që trajtohen nga gazetarët.
Por sa do të kushtojë dasma e vitit?
Meghan Markle iu deshën më pak se 12 muaj për t’i fituar zemrën princit dhe të vendoste për hapin e madh.
Por nëse për ditën e madhe të Princ William dhe Kate Middleton është shpenzuar rreth 28 milionë dollarë, me një përllogaritje të thjeshtë ceremonia e vëllait të vogël do të kapë shifrën marramendëse të 45 milionë dollarëve.
Sipas “Page Six” dhe “Bridebook” dasma e 19 majit është një ndër 10 ceremonitë më të shtrenjta të të gjitha kohërave.
Vetëm 42.1 milionë dollarë do të shpenzohen për masat e sigurisë. Përveç snajperëve të zakonshëm në çdo tavolinë dhe policisë së fshehtë në rrugë, vendi përreth do të “blindohet” me teknologjinë më të fundit ushtarake, duke përfshirë një sistem britanik kundër rrezeve UVA, i cili do të kushtojë së paku 1 milion dollarë.
Fundja, të gjitha shpenzimet e martesës i mbulon familja mbretërore (ose më saktë populli britanik).
