Mariah Carey flet për herë të parë për betejën e saj me çrregullimet bipolare. Këngëtarja 48-vjeçare tha për revistën “People” se ajo ka jetuar me frikën e vazhdueshme se mos një gjë e tillë bëhej publike, pasi u diagnostikua në vitin 2001, kur u shtrua në spital.
“Nuk doja ta besoja… Derisa kohët e fundit jetova në mohim dhe izolim dhe me frikë të vazhdueshme se dikush do ta zbulonte. Ishte një barrë shumë e rëndë dhe thjesht nuk mund ta bëja më. Kam marrë trajtimin e duhur”, tha ajo.
Mariah tha se mori trajtim, pasi kaloi disa vite të vështira, që ndikuan në jetën e saj profesionale dhe në atë sentimentale.
Çrregullimet bipolare II janë të vështira për t’u diagnostikuar. Është një gjendje e ngjashme me depresionin dhe shkakton nervozizëm, pagjumësi dhe hiperaktivitet.
Dallimi midis çrregullimeve bipolare I dhe II, është se personat që vuajnë nga kjo e dyta nuk do të përjetojnë episode të cilësuara si maniakale.
“Po marr ilaçe që duket se janë shumë të mira. Nuk më bëjnë të ndihem shumë e lodhur. Gjetja e një ekuilibri është më e rëndësishmja. Për një kohë të gjatë mendova se kisha një çrregullim të rëndë të gjumit. Rezultoi se isha duke përjetuar një formë manie. Mendoj se episodet e mia depresive u karakterizuan nga një energji shumë e ulët. Ndihesha e lodhur dhe e trishtuar”, sqaron këngëtarja.
Në vitin 2001, u zbulua se Mariah po kryente trajtime psikiatrike në spital, pas një problemi nervor dhe një tentative për vetëvrasje, të cilën publicisti i saj e mohoi në atë kohë.
Burimi: Daily Mail
