Ledion Liço njihet si një ndër moderatorët shqiptarë që nuk ngurron të shprehë mendimin e tij për gjithçka që e rrethon apo e shqetëson. Madje guxon të shprehet edhe atëherë kur e di që do të shkaktojë shumë zhurmë, sikurse ishte thumbimi i drejtpërdrejtë që i bëri Noizy-t gjatë “Top Music Awards”, para dy vitesh, që u shndërrua në një skandal të vërtetë pas reagimit të reperit.
Mirëpo me sa duket kohët e fundit moderatorit të njohur, i cili aktualisht prezanton spektaklin “The Voice Kids”, i ka ndodhur diçka dhe ka vendosur të heshtë, pavarësisht asaj që mendon në të vërtetë.
“Shumë gjëra më vjen t’i them në mikrofon, por kur shikoj ç’bëhet vërdallë zgjedh të hesht”, shkruan Ledioni duke i befasuar të gjithë me deklaratën e tij.
