Trupi i aktores shqiptare, Adea Shabani, u gjet i groposur në pyll më 28 mars dhe ky lajm tronditi të gjithë opinionin publik. Ajo u dërgua në banesën e fundit në Butel të Shkupit, ndërsa gjatë ceremonisë, të afërmit dhe shoqëria kujtoi momentet e kaluara me të dhe mirësinë e saj.
“Në disa nga bisedat tona në “Skype”, ajo ka qenë e shoqëruar me lodra nga “Disney” dhe me një buzëqeshje të pafajshme, nuk pranonte kritika, që tani është e rritur. Me të njëjtën buzëqeshje që mbante kur hante ushqimin e saj te preferuar, këtë buzëqeshje kishte edhe për përcjelljen e ëndrrave të saj dhe kur shihte se si po realizohen ëndrrat e te tjerëve”, kujton një nga miket e saj, Zoja Suroi.
Një tjetër shoqe, e cila kishte ardhur nga Shtetet e Bashkuara për t’i dhënë lamtumirën e fundit Adea Shabanit, solli ndër mend momentet më gazmore.
“Sa të qeshura ishim dhe sa të lumtura. Gjitha ato kohëra perfekte me ty. Faleminderit për këto kujtime e dashura ime. Faleminderit që më deshe pa kushte. Në të mirë, në të keq, në varfëri dhe në pasuri. Në momente qesharake dhe të hidhura. Faleminderit që më deshe pa paragjykime. Besoj se di, që edhe unë të dua ty”, tha Elizabeth Che.
Adea u pa për herë të fundit gjallë më 23 shkurt të këtij viti, në afërsi të shtëpisë së saj, në Hollivud.
Pas zhdukjes, prindërit nisën me policinë kërkimin për të bijën. I dyshuari kryesor për vrasjen e të resë ishte i dashuri i saj 33-vjeçar Chris Spotz, i cili kreu vetëvrasje, pasi u ndoq nga policia.
Burimi: 21Media
