Kaloi përgjumja dimërore dhe tani jemi në një nga sezonet më të preferuara, në pranverë. I ftohti i dimrit na bëri që të ishim më të mbyllur, por tani me ngrohjen e motit dëshirojmë që të jemi gjithë kohës në lëvizje. Dhe pse jo, jemi më të hapur drejt mundësive për lidhje.
Keni më shumë besim
Në studimet e bëra është zbuluar se përveç pamjes, gjendjes financiare, hobeve të përbashkët, besimi është një faktor i rëndësishëm për të fituar vëmendjen e një femre. Dr. Arbell thotë se dielli në pranverë mund t’ju ngrejë më shumë moralisht duke ju rritur besimin dhe me shumë mundësi hap rrugën drejt gjetjes dhe zhvillimit të dashurisë.
Po ndiqni rrjedhën biologjike
Mund të duket për të qeshur por si shumica e kafshëve edhe për njerëzit vlen ky fakt. Në pranverë të gjithë kafshët fillojnë të shumohen. Janë impulse biologjike që e shtyjnë këtë gjë të ndodhë. Kështu trupi juaj thjesht po ndjek instinktet biologjike.
Mund të dëshironi një fillim nga e para
Është e lehtë të tundoheni dhe të ktheheni te ish-i juaj kur është kohë e ftohtë. Kur ikën moti i ftohtë jashtë dhe vishni të shkurtra ndjeni dëshirën për të hequr dorë nga e kaluara dhe të filloni diçka të re. Pranvera është periudha më e mirë e eliminimit të lidhjeve të këqija dhe të keni një fillim të ri.
Ju kërkoni një partnere
Sado mirë dhe gallatë mund të duket të dalësh me shokët për të pirë, ose për t’u marrë me aktivitete jashtë, moti i ngrohtë ju jep mundësinë për aktivitete që do ishin më të bukura në çift. Nëse doni mund të dilni me biçikletë në park me të dashurën ose të largoheni nga qyteti e të shkoni një ditë në plazh. E ku ka më mirë se të ndash diellin me partneren që do. Periudha e pranverës përveç çeljes së luleve na jep mundësitë për lidhje të reja.
