Tema e virgjërisë në përgjithësi konsiderohet tabu, dhe të gjithë stepen para saj. Së fundmi disa personazhe të njohur nuk kanë ngurruar të deklarojnë publikisht se kur e kanë humbur virgjërinë për herë të parë. Për çudinë e të gjithëve, këngëtarja Aida Doçi ka deklaruar se ajo nuk e ka humbur ende virgjërinë pasi familja e ka rritur me parimin që ky proces duhet të ndodhë pas martesës.
E ftuar në emisionin e moderuar nga Elita Rudi, këngëtarja është pyetur nëse ka qenë ndonjëherë në një lidhje duke qenë se në mediat online është përfolur shpesh se ajo është e virgjër.
“Nuk është thënë që të jesh në një lidhje dhe të mos jesh e virgjër. Mundesh të jesh e lidhur dhe të jesh e virgjër. Unë në familjen time jam rritur me atë frymë që deri sa të fejohesh, deri sa të martohesh. Por jetës nuk i dihet si vjen, kanë ndryshuar kohët. Jam me atë mendim se jam rritur me atë frymë”, tha Aida gjatë intervistës.
