Një tragjedi e vërtetë ka ndodhur së fundmi pë grupin muzikor The Bloody Alboz pasi një ndër pjesëtarët e tij, reperi nga Kosova B52, ndërroi jetë këtë të diel në Shtetet e Bashkuara të Amerikës në moshë fare të re. Sipas “Prive”, B52 ndërroi jetë në shtëpinë e tij në Nju-Jork, pasi pësoi një atak kardiak.
Për vdekjen e tij ngushëllime kanë shprehur shumë miq e personazhe të fanmshëm si Unikkatili dhe Gold AG.
Lajmin e trishtë e ka dhënë grupi The Bloody Alboz nëpërmjet një postimi në Facebook ku shkruhet:
“R.I.P. B52. Shpirti në paqe nga TBA Staff. Këngët e tua kanë për të mbetur kujtim!!”.
Gëzim Hajdini, i cili njihej me epitetin B-52 ka qenë pjesë e dy grupeve: TBA (The Blody Alboz) dhe Alboholics. Ai lindi në Prishtinë dhe më pas emigroi në Nju-Jork, përkatësisht në Bronx.
Disa nga këngët e njohura të tij janë “Destinacion” , “Nertok”, “Ajo po m’kqyr mu”, etj.
