Pavarësisht se vera nuk ka ardhur zyrtarisht, temperaturat në fundjavë favorizuan njerëzit që të çelnin sezonin e plazhit. Moderatorja Rudina Magjistari e shijoi të dielën me familjen, bashkëshortin Xhavit Bajrami dhe të bijën Mia, në plazhin e Dhërmiut.
Ajo ka ndarë disa momente nga dita e saj pranë detit me vogëlushen e saj.
Në një nga fotot Rudina i drejtohet vajzës së saj me fjalët më të bukura dhe kuptimplotë: “Jugu im, Veriu im, Lindja ime, Perëndimi im”.
Mia qëndron e ulur pranë bregut të detit, e veshur me streçe të kuqe dhe bluzë me vija, ndërkohë që në dorë mban një kovë lodre me ujë, ndërsa luan me rërën. Kjo është ndër fotot e rralla të vogëlushes që moderatorja poston në rrjetet sociale.
Burimi: Instagram
