Ai ndodhej prej 30 ditësh në psikiatri, pasi dhunoi familjarët deri duke i dëbuar nga shtëpia. Gjykata Themelore në Gjilan mori sot vendimin që, Vali Corleone të mos qëndrojë më në Institutin e Psikiatrisë Forenzike, por në vend të kësaj është i detyruar që të bëjë herë pas here vizita në Qendrën e Shëndetit Mendor të qytetit.
Lajmi bëhet i ditur nga zyrtari i gjykatës, Sabit Shkodra, për “Kallxo”, i cili tha se Corleone është i detyruar që për 6 muaj të kryejë vizita.
Fillimisht Vali Corleone-s iu caktua qëndrimi prej 15 ditësh në Institutin e Psikiatrisë, më pas u vendos që të vazhdonte për 15 ditë të tjera.
Masa për Corleone-n u mor pasi nën kërcënimin e armës, ai ka dhunuar dhe ka dëbuar prindërit nga shtëpia.
