Pritja e ëmbël e blogeres shqiptare Estela Ujka, ka përfunduar. Ajo është bërë nënë për herë të tretë dhe ka sjellë në jetë një vajzë.
Lajmin e bukur e ka bërë të ditur vetë Estela, përmes një fotoje nga spitali në Brooklyn, New York, ku u zhvendos pak kohë më parë për të lindur vajzën e tretë.
I veçantë është emri që blogerja ka zgjedhur për vogëlushen e saj. Gjysmë shqiptar dhe gjysmë amerikan, Damar Brooklyn, një emër i padëgjuar më parë për fëmijët shqiptarë.
Estela me sa duket ka dashur që vogëlushja e saj të ketë një emër që i ka rrënjët në Shqipëri. Ndërsa sa i përket emrit të dytë Brooklyn, ky është një trend i ndjekur gjerësisht në Amerikë, ku të famshme si Kim Kardashian kanë zgjedhur t’i vendosin emra qytetesh fëmijëve, si Chicago.
Estela është blogerja e parë që guxon të eksperimentojë, me një emër të tillë. Nuk e dimë nëse ajo ka menduar të jetojë në Nju Jork, apo do të rikthehet shumë shpejt në Shqipëri. Gjithsesi emri ka lidhje edhe me vendin ku vogëlushja e saj ka lindur. Në të dyja rastet, vogëlushja ka emrin që përshtatet kudo.
Ne i urojmë jetë të gjatë dhe të lumtur vogëlushes Damar Brooklyn!
