Këngëtarja Enca Haxhia ka qenë e ftuar në emisionin “Rudina” këtë pasdite në TV Klan. Enca hyri në studio me një buqetë lulesh për Rudinën, ndërsa moderatorja mbeti e befasuar nga kjo surprizë.
Por më e papritur ishte pamja e Encës live, për të cilën moderatorja tha se ka shumë ndryshime nga ajo që shohim çdo ditë në Instagram. Rudina u shpreh se në krahasim me atë pamjen e divës që shohim në televizion, Enca është një “njeri i thjeshtë dhe shumë e sjellshme”.
Enca foli për klipin më të ri “Dua”, që ka vetëm pak ditë që është publikuar. Ajo u shpreh se për historinë e klipit është frymëzuar nga telenovelat turke që ka parë.
E pyetur për reagimet për veshjen seksi dhe modelin italian, Enca u shpreh se është marrë shumë seriozisht me klipin e ri, ndërsa e ka zgjedhur vetë modelin, Pierluigi Fracassi, që jetonte prej vitesh në Madrid:
“U mora vetë me detajet e klipit nga A te Zh. Fatlumin doja ta zgjidhja vetë. Komunikimi mes nesh ka qenë anglisht. Ai ka mësuar disa fjalë të vogla në shqip që shpresoj të mos i harrojë. Jo vetëm që dinte shumë për Shqipërinë por dëshironte të vinte në Shqipëri”.
Enca foli edhe për skenat seksi me modelin, të cilat i është dashur t’i realizojë me 30-40 persona në studio, dhe kanë qenë shumë të vështira:
“Ishte skena më e vështirë që m’u desh të xhiroja. E kisha veshjen shumë të ekspozuar dhe kisha 30-40 persona në staf. Më pas ishte skena e puthjes që nuk e kisha bërë më parë. Pierluigi Fracassi ishte shumë profesionist dhe serioz në xhirime dhe gjërat shkuan shumë mirë. Ne flasim dhe ai më dërgon video dhe lajme të portaleve që është folur për projektin”.
Burimi: Iconstyle.al
